‘जयतु संस्कृतम्’ भनेको के हो?

‘जयतु संस्कृतम्’को अर्थ संस्कृत वाङ्मयको जय होस् भनिए को हो । संस्कृत वाङ्मयको जय होस् भनिएको संस्कृत भाषामा आबद्घ सर्वजनीन कुराहरु अर्थात सह अस्तित्व, विश्वबन्धुत्व, विश्वशान्ति, पारस्पिरक सहयोग, सद्भावना, धार्मिक सहिष्णुता आदि भावनाका जय होस् भनिएको हो । अथार्त् ति भावना कार्यान्वित होउन् संस्कृत विद्याले बताएका कुराहरु लोक व्यवहारमा आउन्, वैदिक वाङ्मयको कल्याणकार ज्योतिले वर्तमान विश्वलाइ शान्ति, सृजना र विश्व बन्धुत्व ( यत्र विश्वं भवत्येकनीडम् वेद ) को शीतल छहारीमा प्रदान गरोस् भन्ने तात्पर्य हो । सनातन धर्मको, प्रजावत्सल राजाको, पवित्र जन्मभूमिको कल्याण र अभ्युत्थान होस् भन्ने आदर्श भावनाको शङ्खघोष नै जयतु संस्कृतम् आन्दोलनको सन्देश हो । नेपालको मात्र होईन हरेक व्यक्ति, समाज, राष्ट« र विश्वले आ–आफ्नो अस्तित्व राख्न पाउनु पर्छ, ‘स्व’ को पहिचान दिन सक्नुपर्छ एक अर्कामाथि थिचो मिचो हुनुहुँदैन, स्वतन्त्रता र समानताका आधारमा सबैले आ–फ्नो अस्तित्वको उपयोग गर्न पाउनु पर्छ भन्ने आन्दोलनको नाम ‘जयतु संस्कृतम् ’ हो । यसैकारण ‘जयतु संस्कृतम् ’ कुनै भाषा जात र जातिको नारा होइन, यो त विश्व मानवको समुन्नित, शान्ति र कल्याणकारी कार्यको निम्ति एक भएर अघि बढौ भन्ने आह्वान र विचार हो । ‘जयतु संस्कृतम् ’ को नारा सर्व प्रथम वि.सं. २००४ सालमा काठमाडौं स्थित संस्कृत प्रधान पाठशालाका विद्यार्थीहरुले घन्काएका थिए ।